💞 അവൾ രാജകുമാരി – 8💞
Aval Raajakumaari Part 8 | Author : 👼 VICHU[ ചെകുത്താനെ സ്നേഹിച്ച മാലാഖ ] 👼  Previous Part

View post on imgur.com

***************************

ഇരുട്ടിൽ ചെടികളുടെ ഇടയിൽ തിളങ്ങുന്ന രണ്ടു കണ്ണുകൾ അയാൾ കണ്ടു . അത് കണ്ടതും അയാളുടെ കയ്യിൽ ഇരുന്ന പാറകഷ്ണം അറിയാതെ മറ്റൊരിടത്ത് നിലത്തേക്ക് വീണു . മനസ്സിൽ പേടി കയറി കൂടിയ അയാൾ തന്റെ ജീവൻ രക്ഷിക്കാൻ ഓടാൻ തുനിഞ്ഞു പക്ഷെ അപ്പോഴേക്കും ആ തിളങ്ങുന്ന കണ്ണുകളുള്ള വന്യ മൃഗം അയാളെ പിന്തുടർന്ന് പുറകിലൂടെ ആക്രമിച്ച് നിലത്ത് തള്ളിയിട്ട ശേഷം കഴുത്തിൽ അതിന്റെ നീളൻ പല്ലുകൾ താഴ്ത്തി . ആ വനം മുഴുവൻ അയാളുടെ മരണവേദന നിറഞ്ഞ അലർച്ചയിൽ മുഴങ്ങി .

മുഖത്ത് മുഴുവൻ രക്ത കറ പറ്റിപ്പിടിച്ച കണ്ണുകളിൽ രൗദ്ര ഭാവമുള്ള ആ വന്യമൃഗത്തിന് ആഹാരമായി അയാൾ മാറി ……

അപ്പോഴേക്കും ആകാശത്തിലൂടെ വട്ടമിട്ട് പറന്ന ആ കഴുകൻ നിലത്തേക്കിറങ്ങി . ആദിത്യന്റെ അടുത്ത് എത്തിയ ആ കഴുകൻ ആദിത്യന്റെ മുഖത്തേക്ക് നോക്കിയ ശേഷം സന്തോഷം കൊണ്ട് ചിറകടിച്ച് ശബ്ദമുണ്ടാക്കി .

……………………………………………

ഗുരുവായ ഏകപാദന്റെ നിർദ്ദേശപ്രകാരം സൂര്യവർദ്ധനൻ വടക്ക് ദിശ ലക്ഷ്യമാക്കി യാത്ര തിരിച്ചു . ചന്ദ്രൻ നൽകുന്ന നിലാവിന്റെ പ്രകാശത്തിൽ സൂര്യ വർദ്ധനൻ ആ ഇരുട്ടിനെ ഭേദിച്ച് മുന്നോട്ട് നീങ്ങി .

ഒടുവിൽ നടന്ന് സൂര്യവർദ്ധനൻ ഗ്രാമാതിർത്തിക്ക് സമീപത്തായി എത്തി . ഇനി മുന്നിലോട്ട് ആരും പോകാൻ ഭയക്കുന്ന ഘോരവനമാണ് . തനിക്കും ആദിത്യനും ഈ വനത്തിലെ വന്യമൃഗങ്ങളാൽ ഒരു അപകടവും വരില്ല എന്ന് ഗുരുവായ ഏകാപാദൻ പറഞ്ഞു എങ്കിലും മുന്നോട്ട് പോകാൻ സൂര്യ വർദ്ധനന്റെ മനസ്സിലെ ഭയം തടസ്സമായി നിന്നു .