✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 827

എല്ലാം ഒരേ സമയം ഒരേ സെക്കന്റിൽ . മിന്നൽ വേഗത്തിൽ ജബ്ബാറിന്റെ കയ്യിൽ നിന്ന് താഴേക്ക് പോയ കത്തി ആദി തന്റെ ഇടത് കൈ കൊണ്ട് പിടിച്ചെടുത്തു ഒപ്പം തന്റെ ഇടത് വശത്തായി തന്നെ ചവിട്ടി തള്ളിയിടാനായി കാലുയർത്തിയ മുത്തുവിന്റെ കാലിന് നേരെ ആദി ആ കത്തി വീശി …..

” …… ആ ….. ആ ……. ”

ആദിയെ ചവിട്ടാനായി തന്റെ വലത് കാലുയർത്തിയ മുത്തുവിന്റെ ആ കാൽപ്പാദത്തിൽ ഉള്ളം കാലിൽ നിന്ന് പുറത്തേക്ക് എന്ന രീതിയിൽ ആ കത്തി കുത്തിക്കയറി , വേദന കൊണ്ട് മുത്തു അലറി വിളിച്ചു . വലത് കാല് നിലത്ത് കുത്താൻ കഴിയാതെ മുത്തു ഒരു കാലിൽ നിന്ന് നിലവിളിച്ച ശേഷം പതിയെ നിലത്തേയ്ക്ക് മറിഞ്ഞ് വീണു ….

അതേ സമയം തന്നെ ജബ്ബാറിന്റെ വലത് കയ്യിലെ ആ പിടിത്തം വിടാതെ ആദി ചാടിയെണീറ്റ് തിരിഞ്ഞ ശേഷം ആ കൈ വലിച്ച് തിരിച്ചു കറക്കി ….

” ആ …… ”

വേദന കൊണ്ട് നിലവിളിച്ച ശേഷം ജബ്ബാറ് തന്റെ ഒടിഞ്ഞ് തൂങ്ങിയ വലത് കൈ ഇടത് കൈ കൊണ്ട് താങ്ങി ഉയർത്തിക്കൊണ്ട് ഒന്ന് പുറകോട്ട് നീങ്ങി …..

കാലിൽ കത്തി കുത്തിക്കയറിയ മുത്തു അപ്പോഴും നിലത്തിരുന്ന് വേദന കൊണ്ട് കരയുകയായിരുന്നു , അവൻ പതിയെ കാലിൽ നിന്ന് ആ കത്തി ഊരിയെടുക്കാൻ നോക്കി പക്ഷെ വേദന കൂടി വരുന്നത് കൊണ്ട് അവനത് ചെയ്യാതെ അ കാലിൽ അമത്തിപ്പിടിച്ചു …..