✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 828

” ആരാടാ ….. ? ആരാടാ നീ ….. ? ”

ജബ്ബാർ ഉടനെ തന്റെ പരുക്കൻ ശബ്ദമുയർത്തി , പക്ഷെ മറുപടിയൊന്നും പറയാതെ അയാൾ മുഖം താഴ്ത്തി അങ്ങനെ തന്നെ ഇരുന്നു …..

” ഇത് …. ഇതവനല്ലേ , എല്ലാവരെയും കൊന്നവൻ …. ഇപ്പൊ നമ്മളെ …… ജീവൻ വെണമെങ്കിൽ രക്ഷപ്പെട് അണ്ണാ … ഇവനെയാ നമ്മൾ തിരയുന്നത് ….. ”

ഭയം നിറഞ്ഞ പരവേശത്തോടെ പുറകിൽ നിന്ന് ജബ്ബാറിനോട് അത്രയും വിളിച്ച് പറഞ്ഞ ശേഷം ചരൺ വേഗം തിരിഞ്ഞ് പുറത്തേയ്ക്കുള്ള വാതിലിനടുത്തേയ്ക്ക് ഓടി , സ്വയം രക്ഷപ്പെടാൻ വേണ്ടി ….. പക്ഷെ അവൻ ഓടി ആ വാതിലിന് അടുത്ത് എത്തിയതും ആരോ പെട്ടെന്ന് ആ വാതിൽ പുറത്ത് നിന്ന് അടച്ച് പൂട്ടി ……

” ആരാടാ അത് ….. തുറക്കെടാ … തുറക്കെടാ വാതിൽ ….

ഭയത്തോടെ അവൻ ആ വതിലിൽ കൈകളിട്ടടിച്ചു പക്ഷെ പുറത്ത് നിന്ന് ഒരനക്കവും കേട്ടില്ല …..

” നീയെന്തിനാടാ പേടിക്കുന്നേ …. ? അവന്മാര് ചത്തെങ്കിൽ അത് അവന്മാരുടെ കൈക്ക് എല്ലില്ലാത്തത് കൊണ്ടാകും ….. എനിക്ക് ഒരുത്തനെയും പേടിയില്ല , എന്തായാലും നന്നായി അധികം അലഞ്ഞ് തിരിഞ്ഞ് നടക്കാൻ ഞങ്ങളെ ഇടവരുത്താതെ നീ നേരിട്ട് വന്നല്ലോ … ടാ ചരണെ ജെറി സാറിനെ വിളിച്ച് പറ ഇവനെ കിട്ടിയ കാര്യം …. ”

മുന്നിലെ ചെയറിലിരിക്കുന്ന ആദിയെ നോക്കി അത്രയും പറഞ്ഞ ശേഷം ജബ്ബാറ് തന്റെ അരയിൽ കരുതിയിരുന്ന കത്തി കയ്യിലെടുത്തു …. ചരണാകട്ടെ ആകെ ഭയത്തിലും പരിഭ്രമത്തിലും തന്നെയായിരുന്നു ….