✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 868

” എന്നിട്ട് തനിക്കെന്തെങ്കിലും …. അവനേതാ …. അവന്റെ എല്ലാ സൂക്കേടും ഞാനിന്ന് തീർത്ത് കൊടുക്കാം … ഇനി ഒരു പെണ്ണിന്റെയും മുഖത്ത് പോലും നോക്കാൻ അവൻ ഭയക്കും ആ രീതിയിലാക്കും ഞാനവനെ …. ”

ആദി ദേഷ്യത്തോടെ പറഞ്ഞു …

” ഹ …. ആദിയേട്ടാ … ഒന്ന് സമാധാനപ്പെട് ഞാൻ ഒന്ന് പറയട്ടെ …. അവനിപ്പൊ ജീവനുണ്ടോ എന്ന് തന്നെ സംശയമാ … ഞാൻ പറഞ്ഞില്ലേ അവൻ ചോര തുപ്പിയാ വീണത് , എണീക്കാൻ പോലും പറ്റാതെ വേദന കൊണ്ട് തറയിൽ കിടന്ന് ഉരുളുവായിരുന്നു … ”

” എന്നാലും ആ കുതിര തക്കസമയത്ത് അവിടെ …. അതെങ്ങനെ ? ”

ആദി സംശയത്തോടെ തിരക്കി …

” ഏട്ടാ അത് …. അത് അവനാ കർണൻ . ”

ദക്ഷ അത് പറഞ്ഞതും ആദി ഒരു ഞെട്ടലോടെ അവളുടെ കണ്ണുകളിലേക്ക് നോക്കി …

” താനെന്താ പറഞ്ഞത് ? തനിക്ക് വെറുതെ തോന്നിയതാകും … അവനിവിടെ അതും ഈ കാലത്തിൽ .”

കേട്ടത് വിശ്വസിക്കാൻ കഴിയാതെ അവൻ ചോദിച്ചു …

” ഏട്ടാ ഞാൻ പറഞ്ഞത് സത്യമാ … അവനെ കണ്ടാൽ എനിക്കറിയില്ലേ …. അവന്റെ കണ്ണുകളിൽ ഞാൻ കണ്ടതാ എന്നെ തൊട്ടവനോടുള്ള ദേഷ്യവും കലിയും …. ഞാനവിടുന്ന് മടങ്ങുമ്പോൾ കഴുത്തിൽ കയർ വീണിട്ടും അവൻ എന്നെ നോക്കി നിൽക്കുവായിരുന്നു , ആ പഴയ ഭാവം പഴയ രൂപം … അത് അവനാ …. അവൻ തന്നെയാ ….. കർണൻ …. ”

ദക്ഷ തറപ്പിച്ച് പറഞ്ഞതും ആദിയുടെ കണ്ണുകൾ നിറഞ്ഞിരുന്നു …