✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 869

പക്ഷെ ദക്ഷ , ആ കാഴ്ച കണ്ട് അവളുടെ കണ്ണുകൾ വിടർന്നു , അവളറിയാതെ തന്നെ അവളുടെ കണ്ണുകൾ നിറഞ്ഞു … കണ്ട കാഴ്ച വിശ്വസിക്കാൻ കഴിയാതെ അവൾ ആ സമയം നിശ്ചലമായിപ്പോയി …

” ക ….. ക …… കർണ്ണൻ …. ”

അവളുടെ ഇടറിയ ശബ്ദം അപ്പോഴേയ്ക്കും പുറത്തു വന്നു ….

മുൻകാലുകൾ നിലത്ത് കുത്തിയ ശേഷം കർണ്ണൻ തന്റെ മുന്നിൽ നിൽക്കുന്ന രാഹുലിനെത്തന്നെ രൂക്ഷമായി നോക്കിക്കൊണ്ട് ഒന്ന് മുരണ്ടു . എന്നിട്ട് രണ്ട് മൂന്ന് തവണ വലത് കാൽ കൊണ്ട് നിലത്ത് താഴ്ത്തി ശക്തിയായി വലിച്ചുരച്ചു , രാഹുലാകട്ടെ ഒന്ന് ഓടി മാറാൻ പോലും കഴിയാതെ വിറങ്ങലിച്ച് നിൽക്കുകയാണ് …..

” മ് ….. ഹ് … ഹ് ….. ”

പതിയെ ഒന്ന് മൂളിക്കൊണ്ട് കർണ്ണൻ അവനെത്തന്നെ നോക്കി മിഴി ചിമ്മാതെ നോട്ടം പതറാതെ ….

പെട്ടെന്ന് ….

ഞൊടിയിടയിൽ കർണ്ണൻ വേഗത്തിൽ വട്ടം കറങ്ങിയ ശേഷം പിൻ കാലുകളുയർത്തി രാഹുലിന്റെ നെഞ്ചിലേയ്ക്ക് ആഞ്ഞ് ചവിട്ടി ….

” ……. ആ …… ”

ചവിട്ടു കൊണ്ട അവൻ ഒരു അലറി വിളിയോടെ തെറിച്ചു പോയി ദൂരെ വീണു ….
അവന്റെ വീഴ്ച കണ്ട് ചിലർ തലയിൽ കൈ വെച്ചു പോയി , എല്ലാവരും ഒരുപോലെ അമ്പരന്ന് നിൽക്കുകയാണ് ആ സമയം .

ചവിട്ടു കൊണ്ട് വീണ രാഹുൽ പതിയെ വേച്ച് വേച്ച് ഒന്ന് എഴുന്നേൽക്കാൻ ശ്രമിച്ചു അത് കണ്ട കർണൻ വീണ്ടും അവന്റെ നേർക്ക് പാഞ്ഞു , അവന്റെ അടുത്തെത്തിയതും മുൻ കാലുകൾ ഉയത്തി കർണൻ അവന്റെ നെഞ്ചിലേയ്ക്ക് ആഞ്ഞ് ചവിട്ടി …