……………………..

 

 

 

                   ✮കൽക്കി࿐

                       ഒരു രണ്ടാം വരവ്    

               

                              ഭാഗം – 12

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

 

 

” ദക്ഷേച്ചീ …… ചേച്ചീടെ പുറകിൽ പാമ്പ് …… ”

 

അഭി ഭയത്തോടെ അലറി വിളിച്ചതും ദക്ഷ വേഗം ഒരു ഞെട്ടലോടെ തിരിഞ്ഞ് നോക്കി , ഒപ്പം കുറച്ച് മാറി നിന്ന അനുവിന്റെയും കുഞ്ഞുവിന്റെയും മുഖത്ത് ഭീതി പടർന്നു ….

 

ദക്ഷ തിരിഞ്ഞ് നോക്കിയതും തന്റെ പുറകിലായി അടുത്ത് തന്നെ ഒരു വലിയ പാമ്പ് അതിന്റെ ഫണം വിടർത്തി നിൽക്കുന്നു . അവിടെ ഉണ്ടായിരുന്ന ഒരു പാറ വിടവിനകത്ത് നിന്ന് ഇറങ്ങി വന്നതായിരുന്നു അത് …. ഏത് നിമിഷവും തന്റെ ശരീരത്തിൽ വിഷപ്പല്ലുകൾ താഴ്ത്താൻ തയ്യാറായി ഫണം വിടർത്തി തലയെടുപ്പോടെ നിൽക്കുന്ന ആ വിഷ സർപ്പത്തെ കണ്ടതും ദക്ഷയുടെ ശരീരം വിറയ്ക്കാൻ തുടങ്ങി , ശരീരമാസകലം തണുത്ത് മരവിച്ച പോലെ …..

 

അനുവും അഭിയും കുഞ്ഞുവും ഭയത്തോടെ നോക്കി നിന്നു , ഭയം കാരണം കുഞ്ഞു കരയാൽ തുടങ്ങിയിരുന്നു …..

 

” ചേച്ചീ അവിടുന്ന് മാറ് ….. ”

 

അനു ഉറക്കെ വിളിച്ചു പറഞ്ഞതും ആ സർപ്പം കൊത്താനായി ഫണം നീട്ടിയതും ഒരുമിച്ചായിരുന്നു ….. ഭയന്ന് നിന്ന ദക്ഷ പെട്ടെന്ന് ഒരു വശത്തേയ്ക്ക് ചാടിത്തിരിഞ്ഞു പക്ഷെ അവൾ ചെന്ന് ചവിട്ടിയത് ഒരു ചെറിയ പാറക്കഷ്ണത്തിന് പുറത്തായിരുന്നു , ഇളകി കിടന്ന ആ പാറക്കഷ്ണത്തിൽ ചവിട്ടിയതും ബാലൻസ് നഷ്ടപ്പെട്ട് അവൾ ചെന്ന് വീണത് ആ ആഴമുള്ള നദിയിലേയ്ക്കും …..

 

” ദക്ഷേച്ചീ ….. ”

 

അനുവും അഭിയും അലറി വിളിച്ചു കൊണ്ട് ആ നദിക്കരികിലേയ്ക്ക് ഓടിയടുത്തു …. നീന്താൻ വശമില്ലാത്ത ദക്ഷ അപ്പോഴേക്കും വെള്ളത്തിൽ കിടന്ന് കൈകളിട്ടടിക്കാൻ തുടങ്ങിയിരുന്നു …. പെട്ടെന്ന് തന്നെ ആ സർപ്പം ഫണം താഴ്ത്തി പുല്ലുകൾക്കിടയിലേയ്ക്ക് ഇഴഞ്ഞ് നീങ്ങി ….

 

അഭി ഭയത്തോടെ ചുറ്റും നോക്കി ദക്ഷേച്ചിയെ രക്ഷിക്കാൻ എന്തെങ്കിലും കിട്ടുമോ എന്നറിയാനായി …. കുഞ്ഞുവാകട്ടെ ഭയന്ന് അലമുറയിട്ട് കരയാൻ തുടങ്ങി ….. അനുവിന്റെ ശരീരം മുഴുവൻ ഭയന്ന് വിറയ്ക്കാൻ തുടങ്ങിയിരുന്നു ….. എല്ലാവരും നിസ്സഹായരായിപ്പോയ അവസ്ഥ ….. വെള്ളത്തിൽ കിടന്ന് കൈകാലുകളിട്ടടിച്ച ദക്ഷയുടെ ശരീരം ക്ഷീണിച്ച് കഴിഞ്ഞിരുന്നു …. പതിയെപ്പതിയെ അവൾ വെള്ളത്തിലേക്ക് മുങ്ങാൻ തുടങ്ങി , അല്ല ആരോ അവളുടെ കാലുകളിൽ പിടിച്ച് അവളെ നദിയുടെ അടിത്തട്ടിലേയ്ക്ക് കൊണ്ട് പോകുന്ന പോലെ അവളുടെ ജീവനെടുക്കാൻ ശ്രമിക്കുന്ന പോലെ ……

 

അവളുടെ മരണത്തിനായി ആ ജീവനു വേണ്ടി ആരോ കാത്തിരിക്കുന്നത് പോലെ …..

 

 

തുടരുന്നു ….