അപരാജിതൻ 54 4628

പ്രിയപെട്ടവരെ,,,

 

ഏപ്രിൽ 2019 നാണു ഈ കഥ ആരംഭിച്ചത്.

അന്ന് ചെറിയൊരു പ്ലോട്ട് ആയി തുടങ്ങിയ ഒരു കഥ മെല്ലെ മെല്ലെ മുന്നോട്ട് പോകുമ്പോൾ ആഴവും വ്യാപ്തിയും കൂടികൂടിവന്നു,,കഥകളൂം ഉപകഥകളൂം നിറഞ്ഞു.

ആദ്യം ആഴ്ചയിൽ പബ്ലിഷ് ചെയ്തിരുന്നത് പിന്നെ മാസത്തിൽ ഒന്നായി മൂന്നുമാസത്തിൽ ഒന്നായി കഴിഞ്ഞ തവണ ഒരു വര്ഷം കഴിഞ്ഞാണ് പബ്ലിഷ് ആയതും അത് ഡിസംബറിൽ അന്ന് 500 ലധികം പേജുകൾ അടുത്ത് പബ്ലിഷ് ചെയ്തിരുന്നു.

പബ്ലിഷ് ചെയ്യുമ്പോൾ എല്ലാം പരമാവധി കൂടുതൽ കണ്ടെന്റ് തന്നെ പബ്ലിഷ് ചെയ്യാനും ശ്രമിച്ചിട്ടുണ്ട്.

ഒരുപാട് ഡെപ്ത് ഉള്ള കഥ ആയതിനാൽ എനിക്കിതു ഒറ്റയടിക്ക് എഴുതി തീർക്കാനും സാധിക്കുന്നില്ല.

എല്ലാം പരസ്പരം ബന്ധിപ്പിച്ചു മുന്നോട്ട് കൊണ്ട് പോകാനേ സാധിക്കൂ ഉദാഹരണത്തിന് വേമാവരം, വികടംഗഭൈരവൻ, ജാപ്പനീസ് കണക്ഷൻ , വജ്ര അങ്ങനെയെല്ലാം.

സത്യത്തിൽ ശരിക്കുമുള്ള കഥയുടെ മൂന്നിൽ ഒന്ന് ആകുന്നെയുള്ളൂ

എന്നതാണ് യാഥാർഥ്യം.

ഇതുവരെ എന്തെങ്കിലും പ്രതിഫലം മോഹിച്ചോ ഒന്നും എഴുതിയിട്ടില്ല.

ഇതിലെ ഓരോ കഥാപാത്രങ്ങളും ഓരോ കഥാസന്ദർഭങ്ങളും നൂറു ശതമാനം ആത്മാർത്ഥമായി ഞാൻ എഴുതിയുണ്ടാക്കിയാണ്.

റെഫറൻസ് ബുക്കുകൾ നോക്കി പഠനം നടത്തിയിട്ടുണ്ട്.

ഇത് എഴുതാനായി വേണ്ട പഠനങ്ങൾക്ക് ഒരു ലൈബ്രറി വരെ വീട്ടിൽ സെറ്റ് ചെയ്തു വെച്ചിട്ടുമുണ്ട്.

നല്ല രീതിയിൽ റൺ എടുക്കുമ്പോൾ റൺ ഔട്ട് ആകുന്ന അവസ്ഥയില്ലേ

അതുപോലെ ഒരവസ്ഥയാണ് എനിക്കിപ്പോൾ.

ഒന്നരമാസമായി പെട്ടെന്നുണ്ടായ കഴുത്തു വേദനയും തല വേദനയും.

നിരവധി ഡോക്ടർമാരെ കാണിച്ചു.

ടെസ്റ്റുകൾ,എക്സ് റേ , സ്കാൻ ഒക്കെ എടുത്തപ്പോൾ സെർവിക്കൽ സ്പോണ്ടിലോസിസ് പ്രോബ്ളവും നെർവ് ഇൻഫ്ളമേഷനും ഉണ്ട്.

സഹിക്കാനാകാത്ത അത്രയും വേദന.

ഫിസിയോ തെറാപ്പി ചെയ്തു കൂടാതെ സ്ഥിരമായി മരുന്നുകളും കഴിക്കുന്നുണ്ട്.

എത്ര നാൾ pain killer കഴിച്ചു മുന്നോട്ട് പോകും.

ഇപ്പോൾ ആണെങ്കിൽ ഏറെ നേരം ഇരുന്നു ടൈപ്പ് ചെയ്യാനും സാധിക്കുന്നില്ല. കഴുത്ത് തോൾ കൈയിലേക്കും അസഹ്യമായ വേദനയാണ്.

ഇന്നത്തെ പബ്ലിഷ് നുവേണ്ടി എഡിറ്റിംഗ്  ചെയ്യാൻ 20 മിനിറ്റ് ഇരുന്നപ്പോൾ തന്നെ കഠിനമായ വേദന വന്നത് കൊണ്ട് എഡിറ്റിങ് കൂടുതൽ ചെയ്യാൻ സാധിച്ചില്ല.

പനിയോ ചുമയോ ആണെങ്കിൽ ഇത്ര ദിവസം കൊണ്ട് മാറുമെന്ന് പറയാം. ഇതിനു കൃത്യമായി സമയം  ഒന്നും പറയാൻ സാധിക്കില്ല.

എനിക്ക് എഴുത്ത് മുന്നോട്ട് കൊണ്ട് പോകാൻ ആഗ്രഹം ഇല്ലാഞ്ഞിട്ടല്ല , പക്ഷെ ആരോഗ്യകാരണങ്ങളാൽ ബുദ്ധിമുട്ടുണ്ട്.

മുന്പ് വൈകിയിട്ടുണ്ട് എങ്കിൽ പോലും പബ്ലിഷ് ചെയ്യാതെ ഇരുന്നിട്ടില്ല.

മുന്നൂറു പേജ് , അറുന്നൂറു പേജുകള് ഒക്കെ പബ്ലിഷ് ആക്കിയിട്ടുമുണ്ട്

നാലുവർഷം ഉള്ളിൽ എരിയിച്ചു ആത്മാവ് പോലെ കൊണ്ട് നടന്നതാണ് കഥ. എഴുതാതിരിക്കുക എന്ന് പറയുമ്പോൾ അതും വിഷമമാണ്.

പക്ഷെ മറ്റു മാർഗ്ഗമില്ല.

തല്ക്കാലം മരുന്നുകളും കഴിച്ചു റെസ്റ്റും എടുത്തു വേദന കുറവായാൽ ഞാൻ എഴുത്ത് തുടരും.

പക്ഷെ,,

പക്ഷെ തുടർന്നുള്ള എഴുത്ത് വീണ്ടും വേദനയ്ക്ക് കാരണം ആകുമെങ്കിൽ ഈ എഴുത്തും കഥയും പൂർണ്ണമായും നിർത്തേണ്ടി വരും… നിർത്തുകയല്ലാതെ വേറെ മാർഗ്ഗമില്ല.

നാലുവർഷം കൊണ്ട് എഴുതിയുണ്ടാക്കിയ അധ്വാനമെല്ലാം അപൂർണ്ണമായി പോകും എന്നത് വിഷമമാണ്.

പക്ഷെ സ്ഥിരമായി മരുന്നുകൾ  കഴിച്ചു ദേഹം നശിപ്പിക്കുന്നതിനും നല്ലത് അതല്ലേ.. മനുഷ്യരല്ലേ,,യന്ത്രങ്ങൾ അല്ലല്ലോ

ഒന്നും പറയാതെ നിർത്തി എല്ലാവരെയും ആവശ്യമില്ലാതെ കാലാകാലം കാത്തിരിപ്പിക്കുന്നതിനേക്കാൾ നല്ലത് അതല്ലേ.എഴുതാൻ സാധിക്കാതെ വന്നാൽ   അത് എല്ലാവരോടും പറഞ്ഞു എഴുത്തു നിർത്തുന്നത്.

വേദന അനുഭവിക്കുന്നവർക്ക് വേദനയുടെ കാഠിന്യം പറഞ്ഞാൽ മനസ്സിലാകും, അല്ലാത്തവർക്ക് അത് മനസിലാകില്ല എന്ന് മാത്രം.

നിങ്ങളാരും അന്യരായ ആരുമല്ല. എല്ലാവരും വേണ്ടപെട്ടവർ തന്നെ..

ഈ ഭാഗം കൊണ്ട് നിര്ത്തുന്നു എന്നല്ല,
മരുന്നുകൾ കഴിച്ചു റസ്റ്റ് എടുത്തു ഫിസിയോ ചെയ്തു ഭേദം വന്നാൽ എഴുത്തു തുടരും. പക്ഷെ, ഇരുന്നുള്ള എഴുത്ത് പിന്നെയും വേദനയ്ക്ക് കാരണമായാൽ അത് പറഞ്ഞു ഉറപ്പായും ഈ കഥയും എഴുത്തും പൂർണ്ണമായും ഒഴിവാക്കും.

 

എല്ലാവര്ക്കും നന്ദി.

@@@@@