💫 💛__സുനന്ദാ__💛💫 (II)

          Author : [ 𝒜𝓈𝒽𝓌𝒾𝓃𝒾 𝒦𝓊𝓂𝒶𝒶𝓇𝒶𝓃 ]

                             [ Pervious Part ]

 

സുനന്ദാ

 

അവനൽപ്പം റിലാക്സ് ആവാനായി, ചുമ്മാ ഫോണെടുത്ത് അതിൽ സേവ് ചെയ്തിരുന്ന വികാസ് അങ്കിളിന്റെ വാട്സാപ്പ് പ്രൊഫൈലിൽ കേറി നോക്കി.

 

‘അമ്മ പറയുന്ന ഈ ഫാമിലിയിലെ ആൾക്കാർ ആരൊക്കെയാണെന്നു ചിലപ്പോൾ കിട്ടിയാലോ…’ എന്ന് കരുതിയാണ് അരുൺ ആ പ്രൊഫൈൽ നോക്കിയത്.

 

തന്റെ ഫാമിലിയുടെ ഒരു ഗ്രൂപ്പ്‌ ഫോട്ടോയാണ് അയാൾ വാട്സാപ്പ് പ്രൊഫൈൽ പിക്ചറായി ഇട്ടിരുന്നത്. അതിലെ ഓരോ അംഗങ്ങളെയും സാകൂതം അവൻ നോക്കികൊണ്ടിരുന്നു.

 

പെട്ടനാണ് അതിലെ ഒരാളുടെ ചിത്രം കണ്ട് അവൻ ഞെട്ടിയത്…😳

 

“ഓ.. ഷിറ്റ് ! ഇതവളാണല്ലോ ഇന്ദു… 😨 ഞാൻ പിന്നെയും പെട്ടുവെന്നാ തോന്നുന്നത്. അവന്റെ ചുണ്ടുകൾ പതിയെ മന്ത്രിച്ചു….

 

ഇങ്ങനെയാണെങ്കിൽ അവളെന്നെ ആ വീട്ടിൽ വെച്ച് കണ്ടാൽ അവളുടെ പ്രതികരണമെന്തായിരിക്കുമെന്നു അവൻ ചിന്തിക്കാതിരുന്നില്ല….

 

എന്നെ കണ്ടാൽ അവളെങ്ങനെയായിരിക്കും പ്രതികരിക്കുക…ട്രെയിനിൽ നടന്ന സംഭവങ്ങളെല്ലാം അവൾ വീട്ടുകാരോട് പറയുമോ…അതോ സംയമനം പാലിച്ചുകൊണ്ട് സൗമ്യമായിതന്നെ പെരുമാറുമോ???

 

അതോടൊപ്പം അരുണിന്റെ മനസ്സിൽ ഒരു പ്രതീക്ഷ കൂടെ നാമ്പിട്ടിരുന്നു.

 

അതെന്താണനല്ലേ… സുനന്ദ… സുനന്ദയെ കണ്ട് മാപ്പു പറയാൻ സാധിക്കുമെന്ന ഒരു ആശ അവന് തോന്നിയിരുന്നു.

 

ഇന്നലെ ട്രെയിനിൽ വെച്ച് നന്ദുവും ഇന്ദുവും തമ്മിലുള്ള സംസാരവും അവർ തമ്മിലുള്ള ആ അറ്റാച്ച്മെന്റും കണ്ടപ്പോൾ തന്നെ ഒരു കാര്യം വ്യക്തമായിരുന്നു. സുനന്ദ, ഇന്ദുലേഖയുടെ അയൽക്കാരിയോ ഏറ്റവുമടുത്ത സുഹൃത്തോ ആയിരിക്കും എന്നത്.

 

ഫോണിലെ ആ ഫോട്ടോയിൽ നോക്കികൊണ്ട് അവനേറെനേരം ചിന്തിച്ചു കൊണ്ടിരുന്നു…

 

ചിന്തകൾ വല്ലാതെ കാടുകേറി തുടങ്ങിയപ്പോൾ അവൻ ഫോൺ താഴെ വെച്ചിട്ട് ചുറ്റുമുള്ളവരെ നോക്കികൊണ്ടിരിക്കാൻ തുടങ്ങി…