✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

പക്ഷെ , ശേഖരൻ തമ്പിയെ ചതിയിലൂടെ കീഴ്പ്പെടുത്തിയ ഹരി നാരായണനെ തല്ലിച്ചതച്ച പുറം ദേശക്കാരനായ വീരനായ ആ എതിരാളി പിറ്റേന്ന് സൂര്യോദയം കണ്ടില്ല ഒരു വിഷ സർപ്പത്തിന്റെ ദംശനമേറ്റ് മരിച്ചു . അന്ന് അതും ആരും കാര്യമാക്കിയില്ല …

പക്ഷെ നാളുകൾ കഴിഞ്ഞ് ഹരിയും ശ്രീദേവിയും ഈ നാട് വിട്ടതിന് ശേഷമാ ശേഖരൻ തമ്പി എന്നോട് ആ സത്യം പറഞ്ഞത് ഹരി നാരായണൻ അവൻ വെറുമൊരു മനുഷ്യനല്ല ഒരു നാഗവംശജനാണെന്ന് … എന്ന് വച്ചാൽ ഇപ്പൊ വീമ്പ് പറഞ്ഞ് അഹങ്കരിച്ച് നടക്കുന്ന വൈകുണ്ഡ പുരി രാജവംശത്തിന്റെയും ഈ നാട്ടിലെ മുഴുവൻ പ്രജകൾകളുടെയും അധിപൻ . അങ്ങനെയുള്ള ഹരി നാരായണന്റെ ചോരയിൽ പിറന്ന മകനും നാഗവംശജനാ , പകുതി നാഗരക്തവും പകുതി ചേകവ രക്തവും അതായത് നൂറ്റാണ്ടുകൾക്ക് മുൻപ് പിറന്ന ഒരു നരസിംഹന്റെ തനി സ്വരൂപം … അവനെ തളയ്ക്കാൻ ഈ നാടൊട്ടുക്കെ ഇറങ്ങി തിരിച്ചാലും ഒന്നും സംഭവിക്കില്ല മോളെ …. ”

ഭാർഗവരാമൻ ഒരു പുഞ്ചിരിയോടെ പറഞ്ഞു കൊണ്ട് സീറ്റിൽ ചാരിയിരുന്നു ….

അത് കേട്ടതും ദക്ഷ തന്റെ ഫോണിലേയ്ക്ക് നോക്കി , പതിയെ അവളുടെ ചുണ്ടുകളിൽ ഒരു ചെറു പുഞ്ചിരി വിടർന്നു .

                    ……………………..

കാലഭൈരവൻ ക്ഷേത്രം …..

ക്ഷേത്രത്തിന് മുന്നിലായി നന്ദാവനം മനയിലെ ആ കാർ വന്ന് നിന്നു , ശേഷം ദക്ഷയും അനുവും പുറത്തേയ്ക്കിറങ്ങി . മുൻപിൽ നിന്ന് ഭാർഗവരാമൻ ഇറങ്ങിയതും അയാളെ കണ്ട ക്ഷേത്ര ഭാരവാഹികളും മുഖ്യന്മാരും വേഗത്തിൽ അയാളുടെ അടുത്തേയ്ക്ക് വന്നു .