✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

കാലം അവനെ എത്തിച്ചിരിക്കും … അങ്ങനെ നടന്നാൽ അവനിവിടെ എത്തിയാൽ കൊട്ടാരത്തിലെ അധികാരികൾ മാത്രമല്ല ബാക്കി ഒൻപത് കുടുംബക്കാരുടെയും മുട്ടിടിക്കുന്നത് നിങ്ങൾക്ക് നേരിട്ട് കാണാം … ”

ഉറച്ച സ്വരത്തോടെ പറഞ്ഞ ശേഷം ഭാർഗവരാമൻ മുന്നോട്ട് നടന്നതും ….

” മുത്തശ്ശാ …. ”

ദക്ഷ ഉടനെ തന്റെ മുത്തശ്ശനായ ഭാർഗവരാമനെ വിളിച്ചു ….

” എന്താ ദക്ഷമോളെ …. ? ”

അയാൾ അവളോട് വാത്സല്യത്തോടെ ചോദിച്ചു ….

” മുത്തശ്ശാ …. അത് … ഞാനും വന്നോട്ടെ മുത്തശ്ശന്റെ കൂടെ ….. ? ”

അവൾ അപേക്ഷാ സ്വരത്തിൽ ചോദിച്ചു …

” അതിനെന്താ മോളെ …. വന്നോ … ”

” എന്നാ ഞാനുണ്ട് …. ”

ഉടനെ അതും പറഞ്ഞ് അനു ദക്ഷയുടെ കയ്യിൽ തൂങ്ങി ….

” എന്നാ വാ മക്കളെ നിന്ന് സമയം വൈകണ്ട …. ”

ഭാർഗവരാമൻ അതും പറഞ്ഞ് പുറത്തേയ്ക്കിറങ്ങി ഒപ്പം ദക്ഷയും അനുവും … അയാൾ പടികളിറങ്ങി മുറ്റത്തെത്തിയതും ഡ്രൈവർ കാറ് അടുത്തായി എത്തിച്ചു . ഭാർഗവരാമൻ മുന്നിലായി കയറി പുറകിലായി ദക്ഷയും അനുവും …

” മുത്തശ്ശാ ….. മുത്തശ്ശൻ പറഞ്ഞത് പോലെ ഇനി ചിലപ്പൊ ഹരി നാരായണനും ശ്രീദേവിക്കും പിറന്നത് ഒരു ആൺകുഞ്ഞാണെങ്കിൽ അയാളീ നാട്ടിലെത്തിയാൽ നാടൊട്ടുക്കെ അയാൾക്കെതിരെ തിരിയില്ലേ , അയാളെ കൊല്ലാൻ ശ്രമിക്കില്ലേ ….. ? ”

യാത്രയ്ക്കിടയിൽ ദക്ഷ തന്റെ മുത്തശ്ശനോട് സംശയത്തോടെ തിരക്കി ….