✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 856

” ഹലോ ദക്ഷേ …. താനിതെവിടെയാ … ? ഞാനിവിടെ എത്തി ….. ”

ആദി ഫോണിലൂടെ തിരക്കി ….

” ഞാനിവിടെ മണ്ഡപത്തിനടുത്തുണ്ട് …… ”

” ആ ശരി ദാ വരുന്നു … ”

അവനതും പറഞ്ഞ് കോൾ കട്ട് ചെയ്ത ശേഷം തിരക്കിനിടയിലൂടെ പതിയെ കൽമണ്ഡപത്തിനടുത്തേയ്ക്ക് നീങ്ങി ….
അപ്പോഴാണ് കൽമണ്ഡപത്തിന്റെ പുറകിലായി തിരക്കിനിടയിൽ അവൾ ബന്ധുക്കൾക്കൊപ്പം നിൽക്കുന്നതവൻ കണ്ടത് . അവൻ
ഒരു സാധാരണ ഉത്സവം കാണാൻ വന്ന ഒരാളെപ്പോലെ അവരുടെ അടുത്തേയ്ക്ക് പോയ ശേഷം ദക്ഷയുടെ പുറകിലായി അവൾ ചാരി നിൽക്കുന്ന തുണിനടുത്തായി ചെന്ന് നിന്നു ….

അപ്പോഴാണ് അനു അവനെ കണ്ടത് . അവളെ കണ്ടതും ആദി ഒരു പുഞ്ചിരിയോടെ കണ്ണുകളടച്ച് കാണിച്ചു

“ആദിച്ചേട്ടൻ … ദക്ഷേച്ചി നോക്ക് …. ”

അനു പറഞ്ഞപ്പോഴാണ് അവൻ പുറകിൽ നിൽക്കുന്നത് അവൾ കണ്ടത് …..

” ചേച്ചീ ആരും കാണരുത് , ഞാൻ മുന്നിൽ നിൽക്കാം …. ”

അനു അതും പറഞ്ഞു ദക്ഷയുടെ മുന്നിലായി കയറി നിന്നു , ഉടനെ ദക്ഷ അൽപ്പമൊന്ന് പുറകിലേക്ക് നീങ്ങി ….

” എന്താടോ ? തന്റെ മുഖം കണ്ടിട്ട് തനിക്ക് എന്തോ എന്നോട് പറയാൻ ഉള്ളത് പോലെ . എന്തു പറ്റി … ”

ആദി തിരിഞ്ഞ് മറ്റെവിടേക്കോ നോക്കി നിന്ന് കൊണ്ട് ദക്ഷയോടായി ചോദിച്ചു ….

” അത് ഒരു സംഭവമുണ്ടായി …….. ”

( ദക്ഷ നടന്ന സംഭവങ്ങൾ വ്യക്തമായി അവനോട് പറഞ്ഞു …. )