✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 856

സ്വന്തം മോഹങ്ങളും ജീവിതവും രാജാധികാരത്തിന് മുന്നിൽ ഹോമിച്ചവരാ ചേകവർ മനയിലെ ഓരോ ആൺ തരിയും എന്നിട്ടും തെളിയിക്കപ്പെടാത്ത ഒരു കുറ്റത്തിന്റെ പേരിൽ ആ കുടുംബത്തെ മുഴുവൻ ഇല്ലാതാക്കി , തായ് വേരുപോലും പിഴുതെടുത്തു …. നന്ദിയില്ലാത്ത ഒരു രാജവംശം …. അവർ നടത്തുന്ന മത്സരത്തിൽ പങ്കെടുക്കുന്നതിൽ എനിക്ക് അനിഷ്ടം മാത്രമേ ഉള്ളൂ ……

ചേകവർ മനയുടെ പേരിൽ പുറത്ത് നിന്ന് ഒരാൾ കളിക്കളത്തിൽ ഇറങ്ങിയാൽ അയാൾ ജയിച്ചാൽ അപ്പോ നിങ്ങൾക്ക് മനസ്സിലാകും ഈ നാടിന്റെ ഉത്സവ ആരവം … പക്ഷെ അങ്ങനെ ഒന്ന് ഒരിക്കലും നടക്കില്ല . ഇത്തവണയും ഒത്ത എതിരാളി ഇല്ലാതെ ഏതെങ്കിലുമൊരു കുടുംബം ജയിക്കും ….

ശേഖരാ ഡ്രൈവറോട് കാറെടുക്കാൻ പറ ….. ”

” അച്ഛനിതെവിടേയ്ക്കാ ഇത്ര നേരത്തെ …. ? ”

ശേഖരൻ സംശയത്തോടെ ചോദിച്ചു ..

” നമ്മുടെ ക്ഷേത്രത്തിൽ മാത്രമല്ലല്ലോ പത്ത് ക്ഷേത്രത്തിലും ഇന്ന് കൊടിയേറുകയല്ലേ ….
എനിക്ക് കാലഭൈരവൻ ക്ഷേത്രം വരെ പോകണം . നാഥനില്ലാതെ അവിടെ കൊടിയേറ്റ് നടക്കാൻ പാടില്ല …. തമ്പിയുടെ സ്ഥാനത്ത് ഞാനുണ്ടാകും അതിന് ശേഷം മതി നമ്മുടെ ക്ഷേത്രത്തിൽ കോടിയേറുന്നത് ….. ”

അയാളതും പറഞ്ഞ് സോഫയിൽ നിന്നെണീറ്റു …

” അത് അച്ഛാ …. അത് വേണോ … കൊട്ടാരത്തിൽ നിന്ന് എന്തെങ്കിലും പ്രശ്നം ഉണ്ടായാൽ … ”

ശേഖരൻ ഭയത്തോടെ ചോദിച്ചതും ….

” ആര് …. ഇപ്പൊ സിംഹാനത്തിൽ ഇരിക്കുന്ന ആ പീക്കിരി ചെറുക്കനോ ….. ശേഖരൻ തമ്പിയെ കാണാതായിട്ടേ ഉള്ളൂ അവൻ മരിച്ചിട്ടില്ല …. പിന്നെ ഹരിനാരായണൻ അവന് പിറന്നത് ആൺകുട്ടിയാണെങ്കിൽ എന്റെ മനസ്സ് പറയുന്നു ഇത്തവണ അവനെത്തും ഈ നാട്ടിൽ .