✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

” ഹ് …. നീ എന്താടീ കരുതിയേ എന്നെ തല്ലി ഷോ കാണിച്ച് പോകാമെന്നോ … ? ഈ രാഹുൽ ആള് വേറെയാ …. നിന്നെ ഇവിടെയിട്ട് എന്ത് ചെയ്താലും ഒരു പട്ടികളും എന്നോട് ചോദിക്കാൻ വരില്ല , കാണണോ ….

നിനക്കെന്നെ അറപ്പാണല്ലേ ….. ? എന്നെ തല്ലിയല്ലേ …. ? അതിനുള്ള മറുപടി ഇപ്പൊ ഇവിടെ വച്ച് തന്നെ തന്നേയ്ക്കാം …. ”

ഒരു തരം ഭ്രാന്തമായ ഭാവത്തോടെ അവൻ പറഞ്ഞു ….

” വിടെടാ എന്നെ … ഇതിന് നീ അനുഭവിക്കും … ”

ദക്ഷ അതും പറഞ്ഞ് തന്റെ ഒരു കൈ കൊണ്ട് മുടിയിലുള്ള അവന്റെ പിടിത്തം അയക്കാൻ ശ്രമിച്ചു ….

” ഹ …. നീ കിടന്ന് പിടയ്ക്കാതെ … നിന്നെ ഞാൻ ഒന്നും ചെയ്യില്ല …. ദാ ഇത്രയും ആൾക്കാരുടെ മുന്നിൽ വച്ച് ഞാൻ നിന്റെ ഈ ചുണ്ടിൽ ഒന്ന് ഉമ്മവയ്ക്കും അത്രേ ഉള്ളൂ …. ബാക്കിയൊക്കെ പിന്നീട് വഴിയേ സമയമെടുത്ത് ചെയ്തോളാം …. ”

അതും പറഞ്ഞ് രാഹുൽ അവളുടെ മുഖം തന്റെ നേരെ അടുപ്പിച്ചു , ദക്ഷയാകട്ടെ അവന്റെ പിടിത്തം അയക്കാൻ ശ്രമിക്കുന്നുണ്ട് , പക്ഷെ കഴിയുന്നില്ല അവന്റെ ശക്തിയ്ക്ക് മുന്നിൽ ….

” ടാ …. ന്റെ ചേച്ചീനെ വിടെടാ .. അച്ഛാ …. ഓടി വാ …. വലിയച്ഛാ …. ”

അനു ഉറക്കെ വിളിച്ചു പക്ഷെ അപ്പോഴേയ്ക്കും അര്യൻ അവളുടെ വായ പൊത്തിപ്പിടിച്ചു .

” ഹ ….. ഹ …… ”

രാഹുൽ ശക്തിയായി അവളുടെ മുഖം തന്റെ നേരെ അടുപ്പിച്ചു കൊണ്ടിരുന്നു ഒപ്പം അവൻ തന്റെ ചുണ്ടുകൾ അവൾക്ക് നേരെയും …

പെട്ടെന്ന് …. ,

” മ്മ്..മ്മ്..മ്മ്..മ്മ് ഹ് ….. ഹ് ….. ”

അത്യുച്ഛത്തിലുള്ള ഒരു കുതിരുടെ ശബ്ദം കേട്ടതും എല്ലാവരുടെയും നോട്ടം അങ്ങോട്ടേക്കായി ….