✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

” അതിനിപ്പൊ എന്താടാ ? അവൾ നന്ദാവനം മനയിലുള്ളതാണെങ്കിൽ ഞാൻ അമരാവതിയിലെ മുത്ത പേരക്കുട്ടിയാ … ഈ നാട്ടിൽ നന്ദാവനം മനയെക്കാളും അൽപ്പം മുൻതൂക്കം കൂടുതലേ ഉള്ളൂ എന്റെ തറവാട്ടിന് …. നീ വാടാ …. ”

അവനതും പറഞ്ഞ് അവിടുന്ന് എണീറ്റു ….

മുന്നിലെ ഓരോ കാഴ്ചയിലൂടെയും കണ്ണോടിച്ച് വർത്തമാനവും പറഞ്ഞ് മുന്നോട്ട് നടന്ന ദക്ഷയും അനുവും അറിഞ്ഞില്ല തങ്ങളുടെ ബന്ധുക്കൾ വളരെ മുൻപേയാണ് പോകുന്നതെന്ന് ….

അപ്പോഴേയ്ക്കും രാഹുലും ആര്യനും അവരുടെ പുറകിലായി എത്തി … രാഹുലൊന്ന് ഉറക്കെ ചുമയ്ച്ചതും ദക്ഷയും അനുവും തിരിഞ്ഞ് നോക്കി , അവർ നോക്കുന്നത് കണ്ടതും അവനൊന്ന് പുഞ്ചിരിച്ചു ….

” ശ്രദ്ധിക്കണ്ട ചേച്ചീ … ഒരു വായിനോക്കിയാ ഒപ്പം അഹങ്കാരത്തിന് കാലും കയ്യും വച്ച സ്വഭാവവും …. കുടുംബപ്പേര് കാട്ടി വൃത്തികേട് ചെയ്യലാ സ്ഥിരം പണി …. ”

അനു അപ്പോഴേയ്ക്കും ദക്ഷയുടെ ചെവിയിൽ പതിയെ പറഞ്ഞു ….

” ഹലോ ….. ? ”

രാഹുൽ ദക്ഷയെ നോക്കി പറഞ്ഞു , പക്ഷെ അവൾ അവനെ ഒന്ന് നോക്കിയ ശേഷം മുഖം തിരിച്ചു നടന്നു …

” താൻ സുന്ദരിയാണു ട്ടോ … സോ ബ്യൂട്ടിഫുൾ …. ഞാനിതുവരെ തന്നെപ്പോലത്തെ ഒരു പെണ്ണിനെ കണ്ടിട്ടില്ല അത്രയ്ക്ക് സുന്ദരിയാ …”

അവനവളുടെ ഒരു വശത്തുകൂടി ഒപ്പം മുന്നോട്ട് നടന്നുകൊണ്ട് പറഞ്ഞു …

” ശല്യത്തിന് നിൽക്കരുത് , പോകുന്നതാ നല്ലത് . ”

അനു ഉടനെ അവനോട് പറഞ്ഞു ….

” ഹ … ഹ അതിന് നിന്നോട് ഞാനൊന്നും പറഞ്ഞില്ലല്ലോ … കേൾക്കേണ്ടയാൾ നല്ല പോലെ കേട്ട് സുഖിക്കുന്നുണ്ട് … ”