✮കൽക്കി࿐ (ഭാഗം – 26) വിച്ചു [ചെകുത്താനെ സ്നേഹിച്ച മാലാഖ ] 625

 

 

” ഏയ് ഒന്നൂല്ല …. ”

ദക്ഷ അനുവിനോടായി പറഞ്ഞു ….

 

                    ……………………..

 

ശ്രീകൃഷ്ണ ക്ഷേത്രത്തിലേയ്ക്കുള്ള യാത്രയ്ക്കിടയിൽ …..

 

കാറിൽ കയറിയ ദക്ഷയാകെ മൂഡോഫിലായിരുന്നു ,

‘ കൺമുന്നിലുണ്ടായിരുന്ന ആദി പെട്ടെന്ന് എവിടെപ്പോയി , മാത്രമല്ല കാറിലേയ്ക്ക് കയറുന്നത് വരെ തന്റെ കണ്ണുകൾ ചുറ്റിലും തിരഞ്ഞു പക്ഷെ കണ്ടില്ല … ‘

അവൾ മനസ്സിൽ ചിന്തിച്ചു കൊണ്ടേയിരുന്നു ….

 

” എന്താ ചേച്ചീ ഒരു മൂഡ് ഓഫ് പോലെ … ”

അനു പതിയെ ചോദിച്ചു ….

 

” ഏയ് എന്ത് മൂഡ് ഓഫ് …… ? ”

 

” എങ്കിലേയ് അങ്ങോട്ട് നോക്ക് …. ”

കാറിന്റെ സൈഡ് മിററിലേയ്ക്ക് നോക്കിക്കൊണ്ട് അനു പറഞ്ഞു , അപ്പോഴാണ് ആദി ബൈക്കിൽ പുറകേ വരുന്നതവൾ കണ്ടത് ….

 

” അപ്പൊ ഇതാണ് മൂഡോഫിന്റെ കാരണം ല്ലേ …. ? ”

ദക്ഷയുടെ മുഖത്തെ പുഞ്ചിരി കണ്ട് അനു പറഞ്ഞു …. അപ്പോഴേയ്ക്കും ആദി ആ കാറിനെ ഓവർറ്റേക്ക് ചെയ്ത് മുന്നേ പോയി …..

 

                    ……………………..

 

ശ്രീകൃഷ്ണ ക്ഷേത്രം ….

 

ക്ഷേത്രത്തിലെ പാർക്കിങ്ങിൽ കാർ വന്ന് നിന്നതും ദക്ഷയും അനുവും പുറത്തേക്കിറങ്ങി ഒപ്പം അവരുടെ മുത്തശ്ശനും ….. ഉള്ളിലേയ്ക്ക് കയറിയതും തറവാട്ടിലെ എല്ലാവരും അവിടെ ഉണ്ടായിരുന്നു , ഉത്സവം തുടങ്ങിയതിനാൽ അത്യാവശ്യം നല്ല തിരക്കുണ്ട് , കൊടിയേറ്റിനുള്ള സമയമടുക്കുന്നതിനാൽ ഓരോരുത്തരും അതിന്റെ തിരക്കിലാണ് ….

 

” അനൂ ഇവിടുന്ന് ഇനി നമ്മൾ വീട്ടിലേയ്ക്കാണോ ? ”

ദക്ഷ തിരക്കി .