……………………..

 

 

 

                   ✮കൽക്കി࿐

                       ഒരു രണ്ടാം വരവ്    

               

                              ഭാഗം – 26

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

View post on imgur.com

 

 

                    ……………………..

 

 

വൈകുണ്ഡ പുരിയിലെ ഒന്നാം ഉത്സവ ദിവസം .

 

നന്ദാവനം മന

 

 

തന്റെ റൂമിൽ കണ്ണാടിക്ക് മുന്നിൽ നിന്ന് റെഡിയാവുകയായിരുന്നു ദക്ഷ , അപ്പോഴാണ് വാതിലിൽ ആരോ തട്ടി വിളിച്ചത് ….

 

” ചേച്ചീ ഞാനാ അനു .. ”

 

” വാതിൽ ലോക്ക് അല്ല അനൂ കയറിപ്പോര് …. ”

ദക്ഷ പറഞ്ഞതും അവൾ ഉള്ളിലേയ്ക്ക് കയറി വന്നു ….

 

” ആഹ് ചേച്ചി ഇതുവരെ റെഡിയായില്ലേ ….. ? ”

അനു ഉടനെ തിരക്കി ….

 

” എണീറ്റപ്പോ അൽപ്പം ലേറ്റായി അതാ …. ”

 

” ഹമ് … രാത്രി മുഴുവൻ ആദിയേട്ടനോട് സംസാരിച്ചിരുന്ന് കാണും … ”

അവളൊരു കളള ചിരിയോടെ ചോദിച്ചു ….

 

” അനൂ …. മ് വേണ്ട , നിന്റെ കളി അൽപ്പം കൂടുന്നുണ്ട് ….. ”

ദക്ഷ പറഞ്ഞതും ,

 

” അപ്പൊ ഇന്നലെ ആദിച്ചേട്ടൻ വിളിച്ചില്ലേ ? ”

അനു സംശയത്തോടെ തിരക്കി .

 

” ഇന്നലെ വിളിച്ചു പക്ഷെ അധികം സംസാരിച്ചില്ല , തിരക്കാണെന്ന് പറഞ്ഞ് ഫോൺ വച്ചു … എന്നാ താഴേയ്ക്ക് പോയാലോ …. ”

ദക്ഷ അനുവിനോട് പറഞ്ഞു ശേഷം ഇരുവരും താഴേയ്ക്കിറങ്ങി .