ഒരു വേശ്യയുടെ കഥ – 39 3486

നേരത്തെ എൻറെ കൂടെ അവിടെ വന്നിരുന്ന മായയെ ഭാര്യയാക്കി വീട്ടിലേക്കു കൊണ്ടുപോയാലോയെന്നു ആലോചിക്കുകയാണ് ……!”

ആൻറിയുടെ പ്രതികരണം എന്തായിരിക്കുമെന്ന് അറിയാത്തതുകൊണ്ട് പരുങ്ങലോടെയാണ് അവതരിപ്പിച്ചത് .

” സത്യമാണോടാ……..
ആ കുട്ടി സമ്മതിച്ചോ…….”

പക്ഷേ സന്തോഷത്തോടെയുള്ള അവിശ്വസനീയത കലർന്ന ചോദ്യം കേട്ടപ്പോൾ സമാധാനമായത്തോടൊപ്പം അയാൾക്ക് അത്ഭുതവും തോന്നി .

“ഞാൻ നേരത്തെ തീരുമാനിച്ചിരുന്നു ആൻറി….. പക്ഷേ അവളുടെ തീരുമാനം അറിയാത്തതു കൊണ്ടാണ് ആൻറിയോടൊന്നും സൂചിപ്പിക്കുന്നത് ……”

കുറ്റബോധത്തോടെയാണ് പറഞ്ഞത്.

” നിങ്ങൾ രണ്ടുപേരും ചേർന്നുള്ള വരവു കണ്ടപ്പോൾ തന്നെ എനിക്കെന്തോ വശപിശകും ഒരു സ്പെല്ലിംഗ് മിസ്റ്റേക്കും് തോന്നിയിരുന്നു…. എന്തായാലും നന്നായി മോനെ…..
നിന്നെപോലെ ഒരാൾക്ക് അതുപോലൊരു പെൺകുട്ടിക്ക് ജീവിതം കൊടുക്കാൻ തോന്നിയതുതന്നെ് വലിയ കാര്യം ……
അവൾ നല്ലൊരു കുട്ടിയാണെന്ന് എനിക്ക് അപ്പോഴേ തോന്നിയിരുന്നു ……
അതിൻറെ വിധി അങ്ങനെയായി പോയല്ലോ എന്നോർത്ത് സങ്കടവും തോന്നി ……
ഇനിയെങ്കിലും അലഞ്ഞുതിരിഞ്ഞു നടക്കാതെ അവളെ സ്നേഹിച്ചുകൊണ്ട് വീട്ടിൽ അടങ്ങിയൊതുങ്ങി ജീവിക്കുവാനും ബിസിനസിൽ ശ്രദ്ധിക്കുവാനും ശ്രമിക്കുക എനിക്കത്രയേ വേണ്ടൂ …….”

അവരുടെ വാക്കുകൾ കേട്ടപ്പോൾ തന്റെ ഹൃദയം നിറഞ്ഞു കവിയുന്നതായി് അയാൾക്കുതോന്നി.

“അവൾക്കൊരു കുഞ്ഞുണ്ടെന്നല്ലേ പറഞ്ഞത്…..”

വീണ്ടും ആൻറിയുടെ ശബ്ദം കേട്ടു.

“ഉം…… കയ്യോടെ വീട്ടിലേക്കു കൊണ്ടുപോകുവാനായി അവളുടെ കൂടെ തന്നെ ഞാനും വീട്ടിലേക്കുവന്നിരുന്നു …..
മോളിപ്പോൾ എന്റെ മടിയിലിരിക്കുകയാണ്…….”