ജിത്തുവിന്‍റെ അഞ്ജലി 66

Views : 86538

എന്‍റെ മുഖത്ത് നിന്നും മാറ്റി.

അവളെ ഞാന്‍ ചുരുട്ടിക്കൂട്ടി പെട്ടിയില്‍ വെച്ച് അടച്ചിരിക്കുന്നു. അഞ്ജലി മുഖം തിരിച്ച് മുറിയിലേക്ക് നടന്നു. ഒരു യുദ്ധം ജയിച്ച പ്രതീതി. എന്‍റെ കയ്യില്‍ നിന്നും വഴുതിക്കൊണ്ടിരുന്ന അഞ്ജലി എന്ന വീറുള്ള ഈ പെണ്‍കുതിര ഇപ്പോള്‍ എന്‍റെ വരുതിയില്‍. എന്‍റെ മുഖത്ത് ഒരു നൂറ് വാട്ടിന്‍റെ ബള്‍ബ് കത്തിയ പോലെ ഒരു പുഞ്ചിരി വിടര്‍ന്നു

രാത്രി ഭക്ഷണം കഴിക്കുമ്പോള്‍ അഞ്ജലിയെ കണ്ടില്ല. അമ്മ അവളെ വിളിച്ചപ്പോള്‍ അവള്‍ തലവേദനയാണ് എന്നു പറഞ്ഞ് ഒഴിഞ്ഞു എന്തെങ്കിലും കഴിക്കാന്‍ അമ്മ നിര്‍ബന്ധിച്ചപ്പോള്‍ പാല്‍ കുടിക്കാം എന്ന് പറഞ്ഞ്‌ അവള്‍ താഴേക്ക് വന്നു. എന്നെ നേരെ നോക്കാനാവാത്ത പോലെ അവള്‍ നേരെ അടുകളയിലേക്ക് കയറി. അമ്മ അവള്‍ക്ക് പാല്‍ തിളപ്പിച്ചു കൊടുത്തു.

“പാവം… നല്ല തലവേദന ഉണ്ടെന്നു തോന്നുന്നു… ഗുളിക ഒന്നും വേണ്ട എന്ന് പറയുന്നു..” അടുക്കളവാതില്‍ നിന്ന് എന്നെ നോക്കി കൊണ്ട് അമ്മ പറഞ്ഞു

ഞാന്‍ മനസ്സില്‍ ചിന്തിച്ചു… ഈ അസുഖത്തിന്‍റെ കാരണം എനിക്കല്ലേ അറിയൂ…

“അവള്‍ ചിലപ്പോള്‍ ഗുളിക കഴിച്ചു കാണും അമ്മ” ഞാന്‍ കാരണം കണ്ടു പിടിച്ചു

“ങാ… നാളെ രാവിലെ ഞാന്‍ കാവിലോക്ക് പോകും.. വ്യാഴാഴ്ച ഉല്‍സവമല്ലേ. അതുകൊണ്ട് രാവിലെ ഉപ്പ്‌മാവ്‌ ഉണ്ടാക്കി വെക്കാം. എടുത്ത് കഴിക്കണട്ടോ അഞ്ചു… നാളെ രാവിലെ ആകുമ്പോഴേക്കും തലവേദന ഓക്കെ പോകും. ഇല്ലെങ്കില്‍ ജിത്തുവിന്‍റെ കൂടെ നമ്മുടെ ആ മൂസ്സതിനെ ഒന്ന് പോയി കണ്ടോളൂ. നല്ല വൈദ്യനാ..” അമ്മ എന്നോടും അഞ്ജലിയുടും ആയി പറഞ്ഞു.

അവളുടെ ഇപ്പോഴത്തെ തലവേദന ഞാന്‍ ആണ്. ആ എന്‍റെ കൂടെ വൈദ്യനെ കാണാന്‍ പോകുന്നത്… കള്ളന്‍റെ കയ്യില്‍ താക്കോല്‍‍ ഏല്‍പ്പിച്ചത് പോലെ ആയി.

“ഏയ്… ഇത് ഒന്ന് ഉറങ്ങി എഴുന്നേല്‍ക്കുമ്പോഴേക്കും പോകും അമ്മായി ഇടക്ക് വരാറുണ്ട്” അഞ്ജലി അമ്മയോടായി പറഞ്ഞു.

“മ്മ്ം… മാറിയാല്‍ നല്ലത്… എന്നാലും ഇടക്കിടെ വരുന്ന തലവേദന സൂക്ഷിക്കണം
മോളേ…ഇപ്പോഴത്തെ കാലത്തെ ഓരോ അസുഖങ്ങള്‍… ഇതിനൊക്കെ ആയൂര്‍വേദമാണ് നല്ലത്..” അമ്മ പറഞ്ഞു നിര്‍ത്തി

“മ്മ്ം.. എന്നാല്‍ ഞാന്‍ പോയി കിടക്കട്ടെ അമ്മായി”
അഞ്ജലി അവിടെ നിന്നും തടിതപ്പി.

ഊണു കഴിഞ്ഞ് കുറച്ചു നേരം ടി.വി യുടെ ചാനലുകള്‍ മാറി മാറി നോക്കി. മനസ്സില്‍ ഒരു ചെറിയ കുറ്റബോധം. അഞ്ജലിയോട് പറഞ്ഞത് അല്‍പ്പം കൂടി പോയി. ഇല്ലെങ്കില്‍ ചിലപ്പോള്‍ അവള്‍ എല്ലാം വിളിച്ചു പറഞ്ഞേനെ.. എന്തായാലും അവള്‍ പോകുന്നവരെ ഇനി എന്നോട് അവള്‍ മിണ്ടുമെന്ന് തോന്നുന്നില്ല. അവള്‍ പോകുന്ന വരെ ഇങ്ങനെ പോട്ടെ. പോകുമ്പോള്‍ സത്യം പറഞ്ഞ്‌ പിണക്കം മാറ്റം. അല്ലെങ്കില്‍ അവള്‍ വിടും ഭീഷണി തുടങ്ങും.

ഞാന്‍ എഴുന്നേറ്റ് പോയി കിടന്നു….

രാവിലെ ഒരു സ്വപ്നത്തിന്‍റെ ആലസ്യത്തില്‍ ആണ് ഞാന്‍ ഞെട്ടി എഴുന്നേറ്റത്… ആരോ എന്‍റെ കൈകള്‍ ഒക്കെ കൂട്ടി കെട്ടി എന്തോ ചെയ്യാന്‍ പോകുന്ന പോലെ ഒരു സ്വപ്നം. എന്ത് കൊണ്ടോ എനിക്ക് കുതറാന്‍ പറ്റുന്നില്ല… എന്‍റെ ബലമെല്ലാം ക്ഷയിച്ച പോലെ… എഴുന്നേറ്റ് നോക്കിയപ്പോള്‍ എന്‍റെ കൈ ആരോ ശരിക്കും കെട്ടിയിട്ടുണ്ട്. കണ്ണു തുറന്ന് നോക്കിയപ്പോള്‍ അഞ്ജലി എന്‍റെ കാലുകള്‍ കൂട്ടി കെട്ടുന്നു. ഞാന്‍ ഒന്ന് ഞെട്ടി… ഞാന്‍ സ്വപ്നത്തിലാണോ അതോ ഇത് ശരിക്കും നടക്കുന്നതാണോ… ഞാന്‍ കിടന്നിടത്ത് നിന്നും ഇളക്കി കൈ അനക്കാന്‍ ശ്രമിച്ചു… കൈ അനക്കാന്‍ പറ്റുന്നില്ല… കട്ടിലില്‍ ചേര്‍ത്ത് കെട്ടിയിരിക്കുകയാണ്. ഒരു കാലും കെട്ടി കഴിഞ്ഞു… മറു കാലും കെട്ടാന്‍ പോവുകയാണ്.

“നീ എന്താ ഈ ചെയ്യണേ… നിനക്ക് വട്ടായോ” എന്‍റെ ചോദ്യത്തിന് അഞ്ജലി ഒന്ന് ചിരിച്ചതെ ഉള്ളു… യക്ഷി ചിരിക്കുന്നത് പോലെ തോന്നി.

എന്‍റെ ഉള്ള് ഒന്ന് കാളി. ഇന്നലെ ചെയ്തതെല്ലാം കടുത്തുപോയോ…? ഇവള്‍ എന്തെങ്കിലും കടും കൈ ചെയ്തു കളയുമോ…

സ്വതന്ത്രമായ കാല്‍ എടുത്ത് ഞാന്‍ അവള്‍ക്കിട്ടൊന്ന് ചവിട്ടാന്‍ ആഞ്ഞു. അത് പ്രതീക്ഷിച്ചത് പോലെ അവള്‍ ഒഴിഞ്ഞുമാറി. എന്നിട്ട് കട്ടിലില്‍ ചാടി കയറി ആ കാലിനു മേല്‍ ഇരുന്നു… എനിക്ക് ഇപ്പോള്‍ കാല് അനക്കാന്‍ വയ്യ… അഞ്ജലി ആ കാലും കട്ടിലില്‍ കെട്ടിയിട്ടു. എന്‍റെ എല്ലാ കൈകാലുകളും ബന്ധനത്തില്‍ ആയി… ഉറക്കെ വിളിച്ചു കൂവിയാല്ലോ എന്ന് ഞാന്‍ ആലോചിച്ചു. പക്ഷേ അമ്മ കാവിലേക്കു പോയിക്കാണും. പിന്നെ ഇവിടെ കിടന്ന് ബഹളം ഉണ്ടാക്കിയാലും കേള്‍ക്കുന്ന ദൂരത്തില്‍‍ ആരും ഇല്ല. ഞാന്‍ അഞ്ജലിയെ നോക്കി അവളുടെ മുഖത്ത് ഒരു വില്ലന്‍ ചിരി… മുടിയൊക്കെ വിരിച്ചിട്ട് ഒരു യക്ഷിയെ പോലെ തോന്നിച്ചു…. രാവിലെയും യക്ഷികള്‍ ഇറങ്ങി തുടങ്ങിയോ ഭഗവതി…
അഞ്ജലി മുറിയില്‍ നിന്നും ഇറങ്ങി പോയി.. കയ്യിലേയും കാലിലേയും കെട്ടുകള്‍ അഴിക്കാന്‍ ഞാന്‍ ഒരു ശ്രമം നടത്തി. പ്ലാസ്റ്റിക് ചരടോ മറ്റോ കൊണ്ടാണ് കെട്ടിയിരിക്കുന്നത്… കയറല്ല… മറ്റ് എന്തോ ആണ്… കെട്ടിയിരിക്കുകയല്ല… കുടുക്കിയിരിക്കയാണ്… ഞാന്‍ അത് വലിച്ചു പൊട്ടിക്കാന്‍ ശ്രമിച്ചു. കയ്യും കാലും വേദനിച്ചതല്ലാതൊ മറ്റൊന്നും ഉണ്ടായില്ല.. അഞ്ജലി പെട്ടെന്ന് കടന്ന് വന്ന് കെട്ട് പൊട്ടിക്കാന്‍ നോക്കുന്ന എന്നോട് അവള്‍ പറഞ്ഞു

Recent Stories

The Author

ഫൈസല്‍ കണ്ണോരിയില്‍

5 Comments

  1. Enthoru adhayadoo faisaleeee….
    Ithinte bakki undooo undenkilll ethaa nameee……
    Alla ithree ullengill ini ithupolathee kadha ezhutharathuuu……
    Plzzzz apeksha anuuui………

  2. ith kalyaani enna novelinte cipy alle

  3. ഇത് വേറെ സൈറ്റിൽ വായിച്ചിട്ടുണ്ട് . അതിൽ നിന്നും മസാല ഭാഗങ്ങൾ എല്ലാം കട്ട്‌ ചെയ്ത post ചെയ്തതാണ് ഇത് . ഒറിജിനൽ

  4. പാക്കരൻ

    ഇത് മുമ്പ് വേറൊരു പേരിൽ വായിച്ചിട്ടുണ്ട്.
    കഥാപാത്രങ്ങളുടെ പേരുകളിൽ മാത്രം മാറ്റം.

  5. നല്ല നോവൽ ആയിരുന്നു….അവസാനം കൊണ്ടേ കളഞ്ഞു

Comments are closed.

kadhakal.com © 2022 | Stories, Novels, Ebooks | Contact us : info@kadhakal.com