Author : Sruthi P N
ഞാനും ശ്യാമും ലൈബ്രറിയിൽ ഉള്ള രാജേഷേട്ടനുമായി സംസാരിക്കുമ്പോൾ അവൾ ദൂരെ നിന്നു വരുന്നത് കണ്ടു ഞാൻ മെല്ലെ അവളെ ലക്ഷ്യം വെച്ചു നടന്നു….
കണ്ടിട്ടു കുറച്ചായല്ലോ…
ഞാൻ എന്നും ഉണ്ടാവാറുണ്ട്, ഏട്ടൻ അല്ലേ ഉണ്ടാവാത്തെ….
വേറെ ഒരു ആവശ്യത്തിനു പോയതാ, തന്റെ വായന എങ്ങനെ പോകുന്നു…
വായിക്കാറുണ്ട്…
എവിടെ പോയി തന്റെ കൂട്ടുകാരി
അവൾ ഇന്നു ഇല്ല…
അതിനിടയിൽ…
ടാ ഹരി, നമുക്ക് ക്ലബ്ബിൽ പോകണ്ടേ, അല്ല ഇതാരാ ശ്രീദേവിയോ…. ഒറ്റക്കെ ഉള്ളോ…
ആ, എന്നാൽ ഞാൻ നടക്കട്ടെ…..
ഞാൻ ദേഷ്യത്തിൽ അവനെ ഒന്നു നോക്കി, ടാ അവളോട്‌ സംസാരിക്കുന്നത് കണ്ടില്ലേ, അപ്പോഴാ അവന്റെ ഒലക്കേമേലെ ക്ലബ്‌….
ഏഹ്ഹ്, അല്ലെങ്കിലും നിനക്ക് എന്താ അവളോട്‌ ഇത്രേ പറയാൻ…
ഒന്നുമില്ലെങ്കിലും ഞാൻ ഒന്നു വിശേഷം ചോദിച്ചു വന്നതാ ഒക്കെ നശിപ്പിച്ചു, ആ അനു ഉണ്ടാകുമ്പോൾ എല്ലാത്തിനും മറുപടി അവളാ പറയാ….
സാരമില്ല ടാ നീ വിഷമിക്കണ്ട നാളെ നമുക്ക് കാണാം, നീ ഇപ്പോൾ കയറു പോയിട്ട് വേറെ പണി ഉണ്ട്….
എനിക്ക് എന്തോ മനസ്സിൽ അവൾ തന്നെ ഉണ്ണാനും ഉറങ്ങാനും ഒന്നും പറ്റുന്നില്ല, അവളുമായി അടുക്കാൻ തന്നെ തീരുമാനിച്ചു……
Hai