അവ്യക്തമായ ആ രൂപം…? Part 1 20

Views : 6545

Avyakthamaya aa Roopam Part 1 by Reneesh leo

 

മരണത്തെ മുന്നിൽ കണ്ട നിമിഷമായിരുന്നു ഇന്നലെ, അമ്മ എപ്പോഴും പരാതി പറയും രാത്രി സെക്കന്റ് ഷോയ്ക്ക് പോവുന്നത് നല്ലതല്ല എന്ന്. എന്നും രാത്രി സിനിമയ്ക്ക് പോവുമ്പോൾ വഴക്ക് പറയും

” ഈ പാതിരാത്രി പോവുന്നത് എന്തിനാണ്, പകൽ സിനിമയ്ക്ക് പോയാൽ പോരെ ഈ കാറ്റും മഴയും കറണ്ടും ഇല്ലാത്ത സമയങ്ങളിൽ പോവണോടാ ” എന്നൊക്കെ.

ശരിയാണ് പക്ഷെ എന്റെ സുഹൃത്ത് അഭി ജോലിക്ക് പോയി തിരിച്ചു വരുവാൻ വൈകുന്നേരം 6 മണിയാവും. വന്നു കുളി കഴിഞ്ഞ് നമ്മൾ വായനശാലയ്ക്ക് അടുത്ത് പോവും അവിടെ അല്പനേരം ചിലവഴിച്ചാൽ അവൻ പറയും സിനിമയ്ക്ക് പോവാം എന്നു. ഏത് സിനിമയെന്നോ, എന്ത് സിനിമയെന്നോ നോക്കില്ല ഒരാഴ്ചത്തോളം എല്ലാ ദിവസവും സിനിമ കാണാൻ പോയിട്ടുണ്ട് ഞങ്ങൾ. എന്നും രാത്രി 9.30 നു സിനിമയ്ക്ക് പോയിട്ട് ഒരു മണിക്കും ,രണ്ട് മണിക്കൊക്കെ തിരിച്ചു വരുന്നത് കണ്ടിട്ട് അയൽപക്കക്കാർ പലതും പറഞ്ഞു നടക്കുന്നുണ്ട് എന്ന് അമ്മ പറഞ്ഞു. ഞങ്ങൾ രണ്ടു പേരും വേറെന്തോ കാര്യത്തിനാണ് രാത്രി ടൗണിൽ പോവുന്നത് എന്ന്.

സത്യത്തിൽ ദിവസ കുറി എന്ന രീതിയിൽ നാട്ടിൽ തന്നെ ഒരു ചിട്ടി ഉണ്ട്. ആ ചിട്ടിയിൽ നിന്ന് അവൻ കുറെ കാശെടുത്തിട്ടുണ്ടായിരുന്നു അവന്റെ പെങ്ങളുടെ കല്യാണ ആവശ്യത്തിനൊക്കെയായിട്ട് അത് ദിവസവും അടക്കണം. അങ്ങനെ പണം അടക്കാൻ പറ്റാത്തദിവസങ്ങളിൽ ചിട്ടി നടക്കുന്ന രാത്രി സമയത്ത് മുങ്ങുക എന്ന ലക്ഷ്യത്തിൽ സിനിമയ്ക്ക് പോവും. കുറച്ചു നേരം അവരുടെ കണ്ണിൽപ്പെടാതെ മാറിനില്ക്കുക. പിന്നെ നാളത്തെ കാര്യമല്ലേ നോക്കേണ്ടു.

ഏകദേശം പത്ത് കിലോമീറ്റർ ഉണ്ട് നാട്ടിൽ നിന്ന് ടൗണിലെത്താൻ പടം തുടങ്ങാൻ കുറച്ചു സമയം മാത്രമുള്ളപ്പോഴാവും വീട്ടിൽ നിന്ന് ഇറങ്ങുക. അപ്പോൾ തന്നെ പരിഭവം മാറ്റി വെച്ച് അമ്മ പറയും.

” പതുക്കെ പോവണേടാ ബൈക്കിൽ ,വേഗം വന്നേക്കണം കേട്ടോ എന്ന്. ”

ഇന്നലെയും അതുപോലെ പുറപ്പെട്ടു മഴക്കോളുണ്ട് എന്നാലും ഞങ്ങൾ സിനിമയ്ക്ക് പോയി “കൂടെ ” അതായിരുന്നു പടം .നല്ല സിനിമയായിരുന്നു. സിനിമ കഴിഞ്ഞു പുറത്തിറങ്ങി നല്ലമഴക്കോളുണ്ട്, സമയം രാത്രി 11.45 ആയിരിക്കുന്നു. കാറ്റിനെയും മഴയെയും അവഗണിച്ച് ഞങ്ങൾ വണ്ടിയെടുത്ത് പുറപ്പെട്ടു അവനായിരുന്നു ഓടിച്ചിരുന്നത്. പെട്ടെന്ന് ശക്തമായ മഴ പെയ്തു

Recent Stories

The Author

1 Comment

  1. Dark knight മൈക്കിളാശാൻ

    സൂപ്പർ കഥ

Comments are closed.

kadhakal.com © 2022 | Stories, Novels, Ebooks | Contact us : info@kadhakal.com