അച്ഛൻ നട്ടുനനച്ച മുല്ലച്ചെടികൾ 10

Views : 4104

രാവിലെ അനിയത്തിയുടെ ശബ്ദം കേട്ടാണ് ഉണർന്നത്., ” ചേച്ചി…ചേച്ചി ഒന്ന് എഴുന്നേറ്റു വാ…ഇത് കണ്ടോ….” ബാല്കണിയിൽ നിന്നും ആണ് ശബ്ദം.

എഴുന്നേറ്റു അവളുടെ അടുത്തേക്ക് ചെന്നു. എന്താണ് കാഴ്ച എന്ന് ഉദ്വെഗത്തോടെ നോക്കി. കണ്ണുകൾ അത്ഭുദം കൊണ്ട് വിടർന്നു. വിടർന്നു നിൽക്കുന്ന മുല്ലപ്പൂവുകളാണ് കണ്ണിൽ ആദ്യം പതിഞ്ഞത്. ബാൽക്കണിയിൽ പൂച്ചട്ടികളിലായി കുറ്റിമുല്ല ചെടികൾ. എല്ലാം പൂവിട്ടു നില്കുന്നു. സന്തോഷം അടക്കാനായില്ല. ഇതെങ്ങനെ ഇവിടെ വന്നു. അപ്പോഴാണ് മനസ്സിലായത് ഇത് അച്ഛന്റെ പണിയാണെന്നു. പകൽ വെളിയിൽ പോയത് ഇതിനാവും. രാത്രിയിൽ ഉറങ്ങിയ നേരത്തു കൊണ്ട് വെച്ചതാവും. ‘അച്ഛാ’ എന്ന് സന്തോഷത്തോടെ ഉറക്കെ വിളിക്കാൻ വാ തുറന്നു.

അച്ഛന്റെ ശബ്ദം, “മോൾക്ക് സന്തോഷമായോ. എന്റെ കുട്ടീടെ മുല്ല ചെടികൾ വെട്ടി കളഞ്ഞതിനു പരിഹാരമല്ല. ഇവിടെ പിന്നെ ഇത്രേം ഉയരത്തിൽ ഇഴ ജന്തുക്കൾ വരുമെന്ന് പേടിക്കണ്ടല്ലോ….”.

അച്ഛനെ സന്തോഷത്തോടെ കെട്ടിപിടിച്ചു. അമ്മയും മുത്തശ്ശിയും പുഞ്ചിരിച്ചു കൊണ്ട് വാതിൽക്കൽ നില്പുണ്ടായിരുന്നു.

Recent Stories

The Author

kadhakal.com © 2022 | Stories, Novels, Ebooks | Contact us : info@kadhakal.com